ഇനി നമ്മുടെ ഊഴം: ഫ്രൈജി ചർച്ച ഇന്ന്
2025-26 സ്കൂൾ വർഷത്തിലെ ആദ്യ ഫ്രൈജി ചർച്ച ഇന്ന്. കഴിഞ്ഞ രണ്ടാഴ്ചക്കാലം സ്കൂളിൽ നടത്തിയ സാമൂഹ്യാവബോധ ക്ലാസുകളെ അടിസ്ഥാനമാക്കിയാണ് ചർച്ചാപരിപാടി സംഘടിപ്പിക്കുന്നത്. കുട്ടികളുടെ വെള്ളിയാഴ്ചക്കൂട്ടായ്മയായ ഫ്രൈജിയുടെ നേതൃത്വത്തിൽ ചർച്ച സംഘടിപ്പിക്കും. 2025 ജൂൺ 13 വെളിയാഴ്ച ഉച്ച ഇടവേളയിലാണ്‌ പരിപാടി. 'നന്മയുടെ പാഠങ്ങൾ: ഇനി നമ്മുടെ ഊഴം' എന്നു പേരിട്ട ചർച്ചാപരിപാടിയിൽ എട്ടാം ക്ലാസ് വിദ്യാർത്ഥിനികളായ അൽഫിയ എസ്, സർഗ എസ് കിഷോർ എന്നിവർ വിഷയാവതരണം നടത്തും. ഒൻപതാം ക്ലാസ് വിദ്യാർത്ഥിനി ജെസ്സിയാണ് മോഡറേറ്റർ.
